Orley-kost.kz here. !!!

1

1

1

АҒЫЛШЫН ТІЛІ МҰҒАЛІМДЕРІ ҮШІН "ENGLISH PROFICIENCY" АШЫҚ ОЛИМПИАДАСЫ

2020 жылдың 27 қазаны мен 02 қарашасы аралығында «Өрлеу» БАҰО» АҚ Қостанай филиалында  ағылшын тілі мұғалімдері үшін «English  proficiency» атты ашық олимпиадасы өткізілді. Олимпиаданың мақсаты ағылшын тілі бойынша жаңартылған бағдарламалардың идеяларын ілгерілету және дамыту, ағылшын тілі мұғалімдеріне әдістемелік қолдау көрсету болды.

Олимпиада 30 тапсырмадан тұратын тест түрінде өтті, олардың әрқайсысына ұсынылған 5 жауаптан бір дұрыс жауапты таңдау керек болды.

Олимпиадаға Қостанай облысы, республикамыз, Ресей облыстарынан 827 мұғалім қатысты.

1 дәрежелі дипломды (29-30 балл) 13 адам алды; 27-28 балл (2 орын)  12 адам жинады; 3 орынға (25-26 балл) 55 қатысушы ие болды.

«ТҰРАҚСЫЗ ЗАМАНАУИ ӘЛЕМДЕ ТҰЛҒАНЫ ДАМЫТУ» ХАЛЫҚАРАЛЫҚ ҒЫЛЫМИ-ПРАКТИКАЛЫҚ КОНФЕРЕНЦИЯ.

 «Өрлеу» БАҰО» АҚ филиалы Қостанай облысы бойынша ПҚ БАИ» «Тұрақсыз заманауи әлемде тұлғаны дамыту» тақырыбындағы Халықаралық ғылыми-практикалық конференциясына қатысты. Конференция ұйымдастырушысы - Челябі мемлекеттік мәдениет институты.

«Өрлеу» БАҰО» АҚ Қостанай филиалы директоры М.В.Слесарь пленарлық отырыста  «Педагогтің көпэтномәдениетті құзыреттілігін қалыптастыру, өскелең ұрпақтың рухани қауіпсіздігін қамтамасыз ету факторы ретінде» маңызды тақырыбында баяндама жасады.

Конференцияға Ресей, Қазақстан, Өзбекстан, Сингапур, Қытай, Лондон өкілдері қатысты. Қатысушылар барлық мемлекеттер үшін тұрақсыз әлемдік жағдайда жас ұрпақты тәрбиелеу және дамыту туралы маңызды тақырыпта әңгіме жүргізді.

ШЕБЕР-СЫНЫП ЖЕҢІМПАЗДАРЫ

«Өрлеу» БАҰО» АҚ Қостанай филиалында қашықтықтан оқыту жағдайында дене шынықтыру мұғалімдерінің педагогикалық тәжірибесін жинақтау мақсатында «Инновационный урок» шебер-сыныбы  өтті.

Шеберлік сыныбына түрлі қызықты тақырыптардағы 60 жұмыс ұсынылды: ұлттық ойындар, гимнастика, жеңіл атлетика. Бейнесабақтардың ең көп саны  «Спорттық ойындар» номинациясында ұсынылған. Онда 30-дан астам жұмыс болды.

            Дене шынықтыру мұғалімдері сабақтың қашықтан форматындағы өздерінің қызметінің тәжірибелерімен таныстырып, жоғары әдістемелік деңгейде әдіс-тәсілдердің алуан түрлілігін көрсетті.

Сарапшылар кеңесі ұсынылған бейнесабақтардың дерлік барлығы сапалы және әдістемелік тұрғыдан дұрыс дайындалғанын атап өтті.

ТИІМДІ ЫНТЫМАҚТАСТЫҚ ЖЫЛЫ

Қарашада Омбы қаласындағы «Педагогикалық шеберлік академиясы: XXI ғасыр дағдылары» халықаралық әдістемелік орталығының ашылғанына тура бір жыл толады.

2019 жылдың қараша айында «Өрлеу» БАҰО» АҚ Қостанай филиалының делегациясы Омбы қаласында мемлекет басшыларының қатысуымен Ресей мен Қазақстанның ХVI аймақаралық ынтымақтастық форумы аясында өткен іс-шараларға қатысты.

Халықаралық әдістемелік орталықпен ынтымақтастық туралы меморандумға қол қою филиал үшін маңызды оқиға болды. Халықаралық орталықтың жұмысын жедел басқару мақсатында кеңес құрылды, оны Омбы облысының білім беруді дамыту институты директоры Т.С.Горбунова басқарды, ал тең төраға болып бірауыздан «Өрлеу» БАҰО» АҚ филиалы Қостанай облысы бойынша ПҚ БАИ» директоры Слесарь М.В. сайланды.

Пандемия кезінде ЖҚЕ зерделеудің ерекшеліктері

«Өрлеу» БАҰО» АҚФ Қостанай облысы бойынша ПҚ БАИ» Қостанай облысының Ішкі Істер Департаментімен және Қостанай қаласының полиция басқармасымен бірлесіп  «Пандемия кезінде жол қозғалысы ережелерін зерделеу ерекшеліктері»  атты облыстық интерактивті сабақ өткізді.

Интерактивке Қостанай облысының жалпы білім беретін мектептерінің директордың тәрбие ісі жөніндегі орынбасарлары, сынып жетекшілері, ЖЖИ жасақтар өкілдері, оқушылары қатысты. Барлығы 220 онлайн қосылу болды.

Өз сөзінде Қостанай қаласы ПБ ЖПҚ аға инспекторы полиция капитаны Базарбаева Карина: «Баланың жолда тәртіпті болуын қалыптастыру процесінде ата-аналардың орнын ешкім алмастыра алмайды», - дейді.

Яндекс.Метрика
Find us on Facebook
Follow Us
Find us on Facebook
Follow Us